Goizean goiz hasi zen areto futbol txapelketa. Epailearen txistu hotsarekin eman zioten hasiera eta egun osoko futbol festa egon zen Karela kiroldegian. 13 taldek hartu zuten parte eta final erdietara iritsi ziren lau taldeetako hiru Oriokoak ziren.
Finala Gabon tabernak eta Zarauzko taldeak jokatu zuten. Zarauztarrak izan ziren irabazleak, hortaz, ez zen etxean gelditu txapela. Hirugarren postuan Muxarra taldea sailkatu zen.
Eguraldia lagun, giro paregabea egon zen areto futboleko txapelketan. Futbolzale ugari bildu ziren festa giroko txapelketan.
