Bi partida jokatzen dituzte, normalean, astebururo. Oraingoan ere horrela izan da, Kataluniako Viladecans taldearen aurka lehiatu da larunbatean eta igandean.
Lehenengo partidan, Pachekok jaurti zuen izugarrizko maila erakutsiz eta guztira 9 kanporatu lortu zituen. Azpimarratu beharra dago, Katia Coellok eginiko 2 hit bikoitz, horiek lortzeko egindako lana oso garrantzitsua izan baitzen. Oriotarrak aldeko 0-5 markagailuarekin amaitu zuten partida.
Bigarren partidan, Ainara Larrazak jaurti zuen eta 7 kanporatu lortu zituen. Bigarren sarreraren hasieran, talde oriotarra, 4 karrera azpitik zioan baina hauek duten bateatzeko grinaren ondorioz, 6 karrera sartzea lortu zuten; honela, 2 karrerako diferentzia izatea lortu zuten.
Erasoan, Caicoya jubenilak lan itzela egin zuen. 2 hit lortu zituen, bata bikoitza eta bestea hirukoitza, guztira 4 karrera bultzatuz. Ainara Larrazaren lana ere aipatu beharrean gaude, Home Run bat egin baitzuen, zelaitik pilota ateraz eta 2 karrera bultzatuz. Emaitza 8-12 izan zen, oriotarren alde.
Hurrengo jardunaldian, apirilak 12, igandea, OBBkoek Kataluniako Sant Boi taldearen aurka neurtuko dituzte beren indarrak. Etxean izango da hori, Orioko Mendibeltz zelaian, goizeko 11.00 etan.